بانکی بازرگانیی عێراق گرێبەست لەگەڵ هەژماری من دەکات

ئاڤا نیوز

 

بانکی بازرگانی عێراق (تی بی ئای) گرێبەستێکی لەگەڵ حکومەتی هەرێمی کوردستان واژۆکردووە و دەڵێت لەڕێگەی پڕۆژەی "هەژماری من"ەوە مووچەی فەرمانبەرانی هەرێمی کوردستان بە بانکی دەکەین.

 

وێنە گەورەکە: پڕۆژەی "هەژماری من"، پڕۆژەی بە بانکیکردنی مووچەی فەرمانبەرانی هەرێمی کوردستانە و بڕیارە تا کۆتایی ئەمساڵ زۆرینەی فەرمانبەرانی کوردستان ببنە خاوەنی ئەو هەژمارە کە جگە لە پێدانی مووچە، ژمارەیەک خزمەتگوزاریی دیکەش لە خۆدەگرێت.

 

ڕاگەیێنراوی فەرمی: بانکی بازرگانی عێراق (تی بی ئای) لە ڕاگەیێنراوێکدا ئاماژەی بەوە کردووە، بانکەکەیان گرێبەستێکی لەگەڵ حکومەتی هەرێمی کوردستان واژۆکردووە بۆ بەشداریکردن لە پڕۆژەی هەژماری من بە مەبەستی بەبانکیکردنی مووچەی فەرمانبەرانی هەرێمی کوردستان.

 

ئەوەشی ڕاگەیاندووە، "بەشداری بانکەکە لە پڕۆژەی هەژماری من، لەسەر بنەمای بڕیاری دادگای فیدڕاڵی و سەرۆکوەزیرانی عێراقە، کە بانکی (تی بی ئای)ی ڕاسپارد بەشداری لە پرۆسەی بەبانکیکردنی مووچەی فەرمانبەرانی هەرێمی کوردستان بکات".