پرۆژەکانی كابینەی نۆ لە بواری تەندروستیدا لە هەڵەبجە

ئاڤا نیوز

پارێزگای هەڵەبجە لە هەرێمی کوردستان، لە کابینەی نۆدا چەندین دەستکەوتی لە بواری تەندروستیدا بەدەستهێناوە، لەوانەش دابینکردنی بودجەی فریاگوزاریی بۆ بەرکەوتووانی چەکی کیمیایی و دامەزراندنی فەرمانبەر و دروستکردنی چەند هۆڵ و سەنتەرێکی تەندروستی.

دەستکەوتەکان بەمشێوەیەن

یەکەم: کارگێريی:

دامەزراندنی پزیشکان و کارمەندانی پزیشکی و (180) فەرمانبەری گرێبەست بۆ نەخۆشخانە و سەنتەر و مەڵبەندەکان:

1- دامەزراندنی 130 فەرمانبەر ی گرێ‌بەست بۆ هەڵەبجە و ناحیەی  بیارە .

2- دامەزراندنی 30 فەرمانبەری گرێبەست بۆ کۆرۆنا .

3- دامەزراندنی ساڵانەی دەرچووانی کۆلێژی پزیشکی بۆ بەڕێوەبەرایەتیی گشتیی تەندروستیی هەڵەبجە.

دووەم: دارایی:

بودجەی فریاگوزاريی  کۆرۆنا و هاندان بۆ کارمەندان و نەخۆشانی بەرکەوتەی کیمیایی و هەوکردنی پەردەی مێشک بە بڕی دوو ملیار و 687 ملیۆن دینار،  بەم شێوازە:

1- بودجەی فریاگوزاريی کۆرونا ساڵی 2020 و 2021 بە بڕی  دوو ملیار و 250 ملیۆن دینار بووە.

2- هاندانی کارمەندان بۆ ڕووبەڕووبوونەوەی ڤایرۆسی کۆرۆنا نزیکەی  سەد و دوانزە ملیۆن دینار.

3- تەرخانکردنی بڕی  200 ملیۆن دینار بۆ نەخۆشی هەوکردنی پەردەی مێشک.

4- ناردنە دەرەوەی 53 نەخۆشی بەرکەوتەی چەکی کیمیایی بە بڕی زیاتر لە 128 ملیۆن دینار.

سێیەم: ژێرخانی بیناسازیی :

*- دروستکردن و دابینکردنی  کارگەی بەرهەمهێنانی ئۆکسجین و ئامێری تایبەت بە بڕی 385 ملیۆن دینار.

*- کردنەوەی سەنتەر و هۆڵی نەشتەرگەری بەم شێوازە:

1- دروستکردنی هۆڵی نەشتەرگەری منداڵبوون و منداڵانی هەڵەبجە .

2- کردنەوەی سەنتەری نەخۆشانی مەمک و هەرس و جگەر.

3- کردنەوەی فریاکەوتنی خێرا لە نەخۆشخانەی فریاکەوتن .

4- کردنەوەی سەنتەری بانکی خوێن لە ساڵی 2022 .

5- کردنەوەی سەنتەری تالاسیمیا لە ساڵی 2022.

6- کردنەوەی  شەش ژووری ICU  لە نەخۆشخانەی تووشبووانی کیمیبارانی هەڵەبجە.

چوارەم: ئامێر و پێداویستیی پزیشکی:

دابینکردنی ئامێر و پێداویستی پزیشکی بە بڕی شەش ملیار و 985 ملیۆن دینار بەم شێوازە: 

1- دابینکردنی ئامێری MRI  بە بڕی یەک ملیار و پێنج سەد ملیۆن دینار.

2- دابینکردنی ئامێری CT SCAN  بە بڕی یەک ملیار و 200 ملیۆن دینار.

3- کڕینی یەک ئامێری سۆنەر بۆ نەخۆشخانەی فێرکاری هەڵەبجە بە بڕی  35 ملیۆن دینار.

4- دابینکردنی ئامێری پزیشکی نوێ‌ بۆ هەورامان بە بڕی  600 ملیۆن دینار  لەسەر پارێزگای هەڵەبجە.

5- وەرگرتنی ڕەزامەندی قەستەرەی دڵ بە بڕی  دوو ملیار و 250 ملیۆن دینار .

6- وەرگرتنی ڕەزامەندی ئامێری مەمۆگرافی بە بڕی 500 ملیۆن دینار.

7- لە ساڵی 2023 کڕینی ئامێری هەمەجۆر بۆ نەخۆشخانە و سەنتەرەکان بە بڕی 900 ملیۆن دینار.

پێنجەم: دەرمان:

1- تەرخانکردن و زیادکردنی بودجەی دەرمان مانگانە لە  90 ملیۆن دینار بۆ زیاتر لە  193 سێ‌ ملیۆن دینار.

شەشەم: خزمەتگوزاریی:

1- کڕینی دوو ئەمبۆڵانس بە بڕی 90 ملیۆن و 208 هەزار دینار بۆ بەڕێوەبەرایەتیی گشتیی تەندروستیی هەڵەبجە.