ئیسرائیل هۆشداری دەداتە عێراق لەبەرامبەر زیادبوونی هەڕەشەی گرووپە چەکدارەکان

ئاڤا نیوز

 

تادێت گرژی و ئاڵۆزیی ناوچەکە زیاتر پەرەدەسەنێت بەهۆی بەردەوامی هەڕەشەی گرووپە چەکدارەکانی نزیک لە ئێران بۆسەر ئیسرائیل، ئەو گرووپە چەکدارانە خاکی عێراق بەکاردەهێنن بۆ هێرشکردنەسەر ئامانجەکانیان لە ئیسرائیل.

 

وێنە گەورەکە: لە دەستپێکی هەڵگیرسانی شەڕی غەززە و دواتریش شەڕی لوبنان، ئیسرائیل چەندین سەرکردەی سەربازی حیزبوڵڵا و حەماسی بەئامانج گرتووە، گرووپە چەکدارییە شیعیەکانیش خاکی عێراق بەکاردەهێنن بۆ هەڕەشەکردن لە ئیسرائیل و درۆن ئاڕاستەی پێگە  سەربازییەکانی ئەو وڵاتە دەکەن.

 

زانیاریی زیاتر: ڕۆژنامەی تایمز ئۆف ئیسرائیل بڵاویكردووەتەوە، ئیسرائیل هۆشداری داوە بە بەغدا لە بەكارهێنانی خاكی عێراق لەلایەن گروپە چەكدارە پاڵپشتیكراوەكانی ئێرانەوە بۆ هێرشكردنە سەر ئیسرائیل.

 

ئەوەی پێویستە بیزانیت: گرووپە چەکدارەکانی سەربە ئێران لە عێراق، بڕیاریانداوە هێرشەکانیان بۆسەر ئیسرائیل فراوانتر بکەن، تەلئەڤیڤیش چەند جارێک هۆشدارییەکانی دووبارە دەکاتەوە و ئەگەر ئێرانیش خاکی عێراق بۆ هێرشکردن بەکاربێنێت، ئەوا هیچ دوور نییە ئەم وڵاتە بخزێتە ناو جەنگێکەوە کە ئێستا ‌غەززە و لوبنان تێیدا دەسووتێن.