نرخی زێڕ دابەزی و بیتکۆین بەرزبوویەوە

ئاڤا نیوز 

 

دوای بڵاوبوونەوەی ئەنجامە بەراییەکانی هەڵبژاردنی ئەمریکا، نرخی زێڕ دابەزینێکی بەرچاوی بەخۆیەوە بینی و بیتکۆین بەرزبوویەوە. 

 

زانیاریی بەدەستهاتوو: بە گوێرەی بۆرسەی جیهانی ، نرخی ئێستای یەک ئۆنسە زێڕ  دوو هەزار و 720 دۆلار، بیتکۆینیش نرخەکەی بووەتە 74 هەزار و 568 دۆلار. 

 

هۆکارە زانراوەکان: لە میانی بانگەشەی هەڵبژاردن دۆناڵد ترەمپ کاندیدی کۆمارییەکان پاڵپشتی خۆی بۆ دراوی بیتکۆین ڕاگەیاند و باسی متمانەی خۆی کرد بەو دراوە.

 

لە لایەکی دیکەوە: پێنوێنی دۆلار بەرزبوونەوەیەکی بەرچاوی تۆمارکرد و گەیشتە 105.08، چاوەڕوان دەکرێت بەهای دۆلار لە بازاڕەکانی هەرێمی کوردستان و جیهان بەرز ببێتەوە.