سەرۆکوەزیران مەسرور بارزانی پیرۆزبایی لە دۆناڵد ترەمپ دەکات

ئاڤا نیوز 

 

سەرۆکوەزیران مەسرور بارزانی بەبۆنەی هەڵبژاردنی وەک 47ـەمین سەرۆکی ئەمریکا، پیرۆزنایی لە دۆناڵد ترەمپ دەکات و چاوی لەوەیە پەیوەندییەکانی نێوان هەرێمی کوردستان و ئەمریکا قووڵتر ببنەوە.

 

وێنە گەورەکە: ڕۆژی 5-11-2024 هەڵبژاردنی ئەنجوومەنی پیران و سەرۆکایەتیی ئەمریکا بەڕێوچوو، بە گوێرەی ئەنجامە بەراییەکان دۆناڵد ترەمپ وەک سەرۆکی نوێی ویلایەتە یەکگرتووەکانی ئەمریکا هەڵبژێردراوە و 66 ملیۆن و 972 هەزارو 759 دەنگی بەدەستهێناوە، کە ڕێژەی %51.2 دەنگەکان دەکات.

 

پەیامی فەرمی: سەرۆکوەزیران مەسرور بارزانی، لە پۆستیکی لە تۆڕی ئێکس دەڵێت، "پیرۆزبایی لە دۆنالد ترەمپ دەکەم بە بۆنەی ھەڵبژاردنەوەی بە سەرۆکی ئەمریکا، چاوم لەوەیە پەیوەندییەکانی نێوان ھەرێمی کوردستان و ئەمریکا قووڵتر بکەینەوە و پێکەوە کاربکەین بۆپێشخستنی ئاشتی وسەقامگیری لە ناوچەکە."

 

باکگراوند: هەڵبژاردنی سەرۆکایەتیی لە ئەمریکا بەڕێوەچوو و کێبڕکێی توند لەنێوان دۆناڵد ترەمپ، کاندیدی کۆمارییەکان و کامالا هاریس کاندیدی دیموکراتەکان هەبوو بۆ چوونە نێو کۆشکی سپی. لەم هەڵبژاردنەدا زیاتر لە 244 ملیۆن کەس مافی دەنگدانیان هەبوو و نزیکەی 130 هەزار ناوەندیش لە سەرتاسەری وڵات بۆ دەنگدەران تەرخانکرابوون.