هاکان فیدان: ڕەنگە دوای هەڵبژاردن هێزەکانی ئەمریکا  لە عێراق بکشێنەوە

ئاڤا نیوز

 

وەزیری دەرەوەی تورکیا ئەگەری کشانەوەی هێزەکانی ئەمریکا لە عێراق و سووریا لە دوای هەڵبژاردنی سەرۆکایەتی ئەمریکا بە دوور نابینێت.

 

وێنە گەورەکە: هاکان فیدان، وەزیری دەرەوەی تورکیا ئەم قسانەی لە چاوپێکەوتنێکیدا لەگەڵ ڕۆژنامەی یەنی شەفەقی تورکی کردووە و هۆکارەکانی پشت کشانەوەی هێزەکانی ئەمریکای خستووەتەڕوو.

 

بڵاوکراوەی فەرمی: بەپێی ڕۆژنامەکە، هاکان فیدان، وەزیری دەرەوەی تورکیا  ئەوەی ڕاگەیاندووە، "دوای هەڵبژاردنەکان، لەوانەیە ئەمریکا بیر لە کشانەوەی هێزەکانی لە عێراق و سوریا بکاتەوە. 

 

هۆکارە زانراوەکان: بە گوتەی فیدان، ئەمەریکییەکان نایانەوێت بوونی سەربازی لە ناوچەی هەژموونی ئێران بهێڵنەوە، تا ئەو کاتەی هێزەکانی ئەمریکا لەوێ بن، مەترسی هێرشکردنە سەریان هەیە."

 

ڕێککەوتنەکە بەم شێوەیەیە: فیدان ئاماژەی بۆ ئەوەش کردووە، ئەمەریکییەکان لە عێراق تاوتوێی پرسی کشانەوەی هێزەکانیان لە ناوچەکانی ئیدارەی ناوەندی عێراق بۆ ساڵی 2025 و لە هەرێمی کوردستانیش لە ساڵی 2026 کردووە.