یەکەم بەرپرسی ئیدارەی ترەمپ دیاری دەکرێت

ئاڤا نیوز 

 

میدیای ئەمریکی دەڵێت، برایان هۆک، دیپلۆماتکاری وەزارەتی دەرەوەی ئەمریکا لە خولی یەکەمی سەرۆکایەتیی ترەمپ، سەرۆکایەتیی تیمی ڕاگوزەری وەزارەتی دەرەوە بۆ سەرۆکی هەڵبژێردراو دەکات.

 

وێنە گەورەکە: لەگەڵ ئاشکراکردنی سەرۆکی هەڵبژێردراوی ئەمریکا، دۆناڵد ترەمپ بۆ هەموو وەزارەتەکان سەرۆک و تیمی ڕاگوزەری کاتی دیاری دەکات کە ئەرکیان سەرپەرشتی ئاڵوگۆڕەکانە لەنێوان ئیدارەی پێشوو و نوێی ئەمریکادا.

 

بڵاوکراوەی فەرمی: ئاژانسی هەواڵی سی ئێن ئێن لە سێ سەرچاوەی نزیک لە سەرۆکی هەڵبژێردراوی ئەمریکاوە بڵاوی کردووەتەوە، پێشبینی دەکرێت برایان هۆک، بەرپرس لە وەزارەتی دەرەوەی ئەمریکا لە خولی یەکەمی سەرۆکایەتی ترەمپ و نوێنەری تایبەتی ئەو وڵاتە بە کاروباری ئێران، سەرۆکایەتی تیمی ڕاگوزەری وەزارەتی دەرەوە بۆ سەرۆکی هەڵبژێردراو بکات.

 

لەلایەکی دیکە: ژمارەیەک سەرچاوەیەکی دیکە بە ئاژانسەکەیان ڕاگەیاندووە، ڕەنگە ستيڤن مول، باڵیۆزی خانەنشیکراو سەرۆکایەتیی تیمی ڕاگوزەری وەزارەتی دەرەوە بۆ سەرۆکی هەڵبژێردراو بکات.

 

باکگراوند: برایان هۆک ساڵی 2018 تا ساڵی 2020 نوێنەری تایبەتی ئەمریکا بووە بۆ کاروباری ئێران، دواتریش بووە بە یاریدەدەری وەزیری دەرەوەی ئەمریکا بۆ کاروباری ڕێکخراوە نێودەوڵەتییەکان.