لە سلێمانی 500  پارچە زەوی بەسەر کەسوکاری شەهیدان دابەش دەکرێن

ئاڤا نیوز

لە سنووری پارێزگای سلێمانی ئەمڕۆ پێنجشەممە دەست  بە دابەشکردنی زەوی  بەسەر کەسوکاری شەهیدان دەکرێت و 500 پارچە زەوی  دابەش دەکرێن.

 

وێنە گەورەکە: پڕۆسەی دابەشکردنی زەوی بەسەر کەسوکاری شەهیدان، ئەنفالکراوان و زیندانیانی سیاسیی هەموو هەرێمی کوردستان دەگرێتەوە، قۆناغی یەکەمی دابەشکردنی زەوی لە سلێمانی دەستپێدەکات و لیستی وارسی شەهیدان ئامادەکراوە.

لێدوانی فەرمی: ئەدیب لەتیف، بەڕێوەبەری گشتيی كاروباری شەهیدان و ئەنفالکراوانی سلێمانی بە ئاڤا نیوزی گوت، "500 وارسی شەهیدان و ئەنفالکراوان زەوییان لە سنووری پارێزگای سلێمانی پێدەدرێت، ئەگەر لەلایەن شارەوانییەوە زەویمان بۆ دابین بکرێت بەر لە کۆتایی ئەمساڵ قۆناغێکی دیکەی پرۆسەکە دەکرێت."

زانیاریی زیاتر: زیاتر لە 20 هەزار وارسی خانەوادەی شەهیدان و ئەنفالکراوان و زیندانیانی سیاسی لە وەرگرتنی زەوی سوودمەند بوون، ئەوانەی پێشووتریش فەرمانی وەزارییان بۆ وەرگرتنی زەوی هەیە و پێیان نەدراوە، زەوییان پێدەدرێت.