كارەكانی نۆژەنكردنەوەی كێڵگەی كۆرمۆر دەستپێدەكاتەوە

ئاڤا نیوز

 

كۆمپانیای دانە غاز بە هاوبەشی لەگەڵ گرووپی كۆمپانیاكانی پێرڵ پێترۆلیۆم كارەكانی نۆژەنكردنەوەی كێڵگەی غازی (كەی-ئێم 250ـی كۆرمۆر) دەستپێدەكەنەوە، كە ماوەیەك بەهۆی گرفتی جۆراوجۆر کاری  نۆژەنكردنەوەی وەستابوو.

 

وێنە گەورەكە: لە ڕێكەوتی 2024/4/26 كێڵگە غازی كۆرمۆر لە چەمچەماڵ بە درۆن هێرشیكرایە سەر و جگە لە گیان لەدەستدانی چوار كارمەند و برینداربوونی ژمارەیەكی دیكە، زەرەرو زیانێكی زۆریش بە كێڵگەی غازی (كەی-ئێم 250)  كەوت و ئاستی بەرهەمهێنانی دابەزاند. سەرەڕای دەستپێكردنی كارەكانی نۆژەنكردنەوەی لە ماوەی ڕابردوودا، بەهۆی چەند گرفتێكی جۆراوجۆر كاری نۆژەنكردنەوەی وەستابوو.

 

لێدوانی فەرمی: بەگوێرەی ڕاگەیێنراوی فەرمی كۆمپانیای دانە غاز كە وێنەیەكی بۆ ئاڤا نیوز نێردراوە، بەهەماهەنگی لەگەڵ گرووپی کۆمپانیاکانی پێرڵ پێترۆلیۆم پلانیان وایە، کاری نۆژەنكردنەوە لە کێڵگەی غازی (کەی ئێم 250ـی کۆرمۆر)ـدا دەستپێبكەنەوە.

 

ئەوەی پێویستە بیزانیت: دانە غازی ئیماڕاتی كاری بەرهەمهێنانی غاز لە كێڵگەی كۆرمۆردا دەكات، ئاستی بەرهەمهێنانی ڕۆژانەی بۆ 425 ملیۆن مەتر سێجا غاز بەرزكردووەتەوە، کۆمپانیاکە غازی پێویست بۆ وێستگەكانی بەرهەمهێنانی كارەبا لە هەرێمی كوردستان دابین دەكات.