لە ئیدارەی سۆران و گەرمیان دابەشکردنی زەوی دەستپێدەکات

ئاڤا نیوز 

 

نزیکەی چوار هەزار پارچە زەوی لە سنووری ئیدارەکانی سۆران و گەرمیان بەسەر فەرمانبەران دابەشدەکرێت و لە چەند ڕۆژی داهاتوو تیروپشک بۆ دابەشکردنیان دەکرێت.

 

وێنە گەورەکە: لەماوەی قۆناغی یەکەمی پرۆسەی دابەشکردنی زەوی فەرمانبەران لە دوو ئیدارەی سەربەخۆ سوودمەند دەبن، 12 هەزار و 300 پارچە زەوی لە ئیدارەی سەربەخۆی سۆران ئامادەرکراون و بەم نزیکانە تیروپشک بۆ دابەشکردنی هەزار پارچە زەوی دەکرێت، لە گەرمیانیش نزیکەی سێ هەزار کەس لە قۆناغی یەکەم سوودمەند دەبن.

 

لێدوانی فەرمی:  خەسرەو ئیسماعیل، بەڕێوەبەری گشتیی شارەوانییەکانی ئیدارەی سەربەخۆی سۆران، بە ئاڤا نیوزی گوت، "نۆ هەزار پارچە زەوی لە سەنتەری قەزای ناوەندیی سۆران، سێ هەزار و 300 پارچەش لە سنووری قەزاکانی ڕواندز، خەلیفان و چۆمان ئامادەکراون، لە قۆناغی یەکەم یەک هەزار کەس وردبینیان بۆ کراوە دوای وەرگرتنی ڕەزامەندی ئەنجوومەنی وەزیران تیروپشکی وەرگرتنی زەویان بۆ دەکرێت."

 

لەلایەکی دیکەوە: لە سنووری ئیدارەی گەرمیان دوو هەزار و 474 فەرمانبەر ڕەزامەندیان وەرگرتووە، لە چەند ڕۆژی داهاتوو تیروپشکیان بۆ دەکرێت.