سبەی لە دهۆک دەست بە دابەشکردنی زەوی دەکرێت

ئاڤا نیوز

 

سبەی دابەشکردنی زەوی بەسەر فەرمانبەراندا بەپێی ڕێککار و ڕێنماییەکان لە سنووری دهۆک دەستپێدەکات.

 

لێدوانی فەرمی: ئه‌ندازیار دیار به‌حرى، بەڕێوەبەری گشتیی شارەوانیی دهۆک بە ئاڤا نیوزی ڕاگەیاند: سبەی سێشەممە 12-11-2024، هەزار و 45 پارچە زەوی لە سنووری دهۆک دابەش دەکرێن.

 

زانیاریی زیاتر: بەڕێوەبەری گشتیی شارەروانیی دهۆک ئاماژەی بەوەش دا، دابەشکردنی ئەم پارچە زەوییانە، بەشێکە لە پرۆسەی دابەشکردنی 21 هەزار پارچە زەوی لە سنووری دهۆک، کە سەرۆکوەزیران مەسرور بارزانی بڕیاری لەسەر دابوو.

 

ئەمەش بزانە: پێشتر لە سنووری ئیدارەی سەربەخۆی زاخۆ و قەزای ئاکرێ دەست بە دابەشکردنی زەوی کرابوو.

 

باکگراوند: ڕۆژی دووشەممە 28-10-2024، ئاڤا نیوز ناوی هەزار و 59 کەسی لە سنووری قەزای ئاکرێ بڵاوکردەوە کە زەوییان پێدرا.