پسپۆڕێکی سەربازی: سەرکردەکانی حەماس مەترسی لە سەر عێراق دروست دەکەن

ئاڤا نیوز

 

پسپۆڕانی کاروباری سەربازی لە عێراق، هۆشداری لە مەترسیی گواستنەوەی سەرکردەکانی حەماس بۆ عێراق دەدەن، لە ئەگەری دوورخستنەوەیان لە قەتەر.

 

وێنە گەورەکە: بەرپرسێکی باڵای ئەمریکا ئاشکرایکرد، دوای ئەوەی حەماس پێشنیازێکی قەتەری ڕەتکردەوە سەبارەت بەڕزگارکردنی بارمتە ئیسرائیلیەکان، دەوحە چەند ڕۆژێک لەمەوبەر داوای لە بەرپرسانی باڵای بزووتنەوەکە کردووە خاکی وڵاتەکەی جێبهێڵن.

 

لێدوانی فەرمی: ئەعیاد تۆفان، پسپۆڕی کاروباری سەربازی ڕایگەیاند: پێشوازیی عێراق لە بزووتنەوەی حەماس و سەرکردەکانی، مەترسی بۆ سەر وڵات دروست دەکات و بەغدا دەبێتە بەشێک لە ململانێی.

 

تۆفان ئاماژەی بەوەشکرد، ئەمریکا بەئاشکرا دژایەتی ئەم بابەتە دەکات و ناڕەزایی نێودەوڵەتیشی لێدەکەوێتەوە، ڕەنگە ببێت بە پاساوێک بۆ هەر دەستدرێژییەکی ئیسرائیل بۆ سەر عێراق لە داهاتوودا.

 
لەلایەکی دیکەوە: لەبارەی دەرکردنی بەرپرسانی حەماس لە وڵاتەکەی، وەزارەتی دەرەوەی قەتەر بڵاوی کردەوە: "هەواڵەکانی پەیوەست بەوەی کە ئەمریکا داوای لە قەتەر کردبێت حەماس لەو وڵاتە دەر بکات، ڕاست نین".