ژمارەیەک سەرکردەی باڵای وڵاتان بەشدارییان لە COP29 نەکردووە

ئاڤا نیوز

 

کارەکانی کۆنفرانسی جیهانیی گۆڕانی ئاو و هەوا لە باکۆی پایتەختی ئازەربایجان دەستی پێکردووە و ژمارەیەک سەرکردەی باڵای وڵاتان بەشدارییان تێدا نەکردووە.

 

وێنە گەورەکە: 29ـەمین کۆنفرانسی نەتەوەی یەکگرتووەکان بۆ گۆڕانی ئاو و هەوا لە باکوی پایتەختی ئازەربایجان بەڕێوەدەچێت، کۆنفرانسەکە بۆ ماوەی دوو ڕۆژ بەردەوام دەبێت. 

 

چی ڕوودەدات: لووتکەکە بە ئامادەبوونی ژمارەیەکی زۆری سەرکردەیی باڵای وڵاتانی جیهان بەڕێوەدەچێت کە بڕیارە زیاتر لە 75 سەرکردە بەشداریی تێدا بکەن، بەڵام ژمارەیەک ناوی دیار هەن کە بەشداریی ناکەن، کە ئەمەش لەوانەیە کاریگەری نەرێنی سەبارەت بە پرسەکانی کەش و هەوا دروست بکات.

 

زانیاریی بەدەستهاتوو: ''جۆبایدن سەرۆکی ئەمریکا، شی جین پینگ سەرۆکی چین، ئیمانوێل ماکرۆن سەرۆکی فەرەنسا لویس ئیناسیۆ لۆلا داسێلڤا سەرۆکی بەرازیل بەشدارییان لەم لووتکەیە نەکردووە''. 

 

ئەمەش بزانە: لەگەڵ ئەوەی سەرۆكی بەڕازیل بەشداری نەکردووە، بەڵام بڕیارە 'كۆپ 30' لە بەڕازیل بەڕێوەبچێت.