زێلێنسكی: ئەمریكا هاوكارمان نەبێت ناتوانین ڕووبەڕووی ڕووسیا ببینەوە

ئاڤا نیوز

ڤلۆدمێر زێلێنسکی، سەرۆکی ئۆکراینا، ڕایگەیاندووە ئەگەر ئەمریکا هاوکاریی وڵاتەکەی نەکات، بەهیچ شێوەیەک ناتوانن شکست بە ڕووسیا بهێنن، چونکە  چەک و پێدوایستی پێویستیان لە بەردەستدا نییە.

وێنە گەورەکە: دوو ساڵە شەڕی ئۆکراینا دەستیپپێکردووە، تا ئێستا ئەمریکا بە چوار پاکێجی جیاواز هاوکاری سەربازیی ئۆکراینای کردووە، هاوکارییەکان لە بواری چەک و تەقەمەنی و هەروەها پێداویستی سەربازیدا بوون، ئێستا پاکێجێکی دیکەی هاووکارییەکانی ئەمریکا کە نزیکەی 60 ملیار دۆلارە لە کۆنگرێسە بۆ ئەوەی جارێکی دیکە هاوکاری ئۆکراینای پێبکرێت.

لێدوانی فەرميی: ڤلۆدمێر زێلێنسکی، سەرۆکی ئۆکراینا ڕایگەیاند: ئێستا هاوکاریکردنی ئۆکرانیا ئاسانترە  وەک لەوەی دواتر رووبەڕووی سوپاکەی ڤلادیمیر پووتین و خواستە شەڕەنگێزەکانی ببنەوە، زۆر پێویستمان بە هاوکارییەکانی ئەمریکا هەیە، بەبێ ئەو هاوکارییانەش ناتوانین ڕووبەڕووی ڕووسیا ببینەوە.