لە هەولێر 27 هەزار پارچە زەوی دیکە دابەش دەکرێن

ئاڤا نیوز

 

پرۆسەی دابەشکردنی زەوی بەسەر فەرمانبەران فراوان دەکرێت، تەنیا لە سنووری پارێزگای هەولێر 27 هەزار پارچە زەوی ئامادەکراون و لە چەند ڕۆژی داهاتوودا دەست بە دابەشکردنیان دەکرێت.

 

وێنە گەورەکە: بڕیارە لەم ڕۆژانە قۆناغی دووەمی پرۆسەی دابەشکردنی زەوی دەستپێبکات، وەزارەتی شارەوانی و گەشتوگوزار گەیشتووەتە ئەو ڕاستییە کە دەبێت پرۆسەکە فراوان و خێرا بکرێت، بۆیە لە قۆناغی دووەم دوو ئەوەندەی قۆناغی یەکەم زەوی ئامادەکراون.

ڕاگەیێنراوی فەرمی: ئەمڕۆ شەممە پارێزگای هەولێر ڕایگەیاند: لە سنووری 17 شارەوانی کە هه‌موو قه‌زا و ناحیه‌كانی سنووری پارێزگای هه‌ولێر دەگرێتەوە، زیاتر له‌ 27 هه‌زار پارچە زه‌وی ئامادەن بۆ دابه‌شكردن، لە ئایندەیەکی نزیک پرۆسەکە دەست پێدەکات.

 

لەلایەکی دیکەوە: لە سنووری دهۆک 20 هەزار پارچە زەوی و  لە سنووری سلێمانیش شەش هەزار پارچە زەوی نوێ ئامادەکراون، بەم نزیکانە لە سنووری ئەو دوو پارێزگایەش تیروپشک بۆ دابەشکردنیان دەکرێت.

 

باکگراوند: لە قۆناغی یەکەمی دابەشکردنی زەوی 16 هەزار فەرمانبەر و خانەنشین لە تەواوی هەرێمی کوردستان زەوییان وەرگرت، بە کۆی گشتیش زەوی بە نزیکەی 350 هەزار کەس دەدرێت.