کەرکووکییەکان بۆ سەرژمێری بەلێشاو دەگەڕێنەوە شارەکەیان

ئاڤا نیوز

 

هاووڵاتییانی سنووری ماددەی 140 لە کەرکووک بەلێشاو دەگەرێنەوە زێدی خۆیان، بە مەبەستی بەشداییکردن لە سەرژمێری گشتیی عێراق و تۆمارکردنی ناو و زانیارییەکانیان لەو پرۆسەیە.

 

چیرۆکی سەرەکی: لە کاتژمێر 12ـی نیوەڕۆی ئەمڕۆ سێشەممە تاوەکو کاتژمێر 5ـی ئێوارە هاووڵاتییەکی زۆری سنووری ماددەی 140 لە کەرکووک و دەورووبەری بەرەو زێدی خۆیان گەڕانەوە، تاوەکو خۆیان لە سەرژمێریی گشتیی عێراق تۆمار بکەن، بەشێک لە هاووڵاتییان لە ماڵی خزم و کەس و کارییان دەمێننەوە و بەشێکی دیکەییان خانوووی خۆیان هەیە.

 

لێدوانی فەرمی: حەسن مەجید، سەرۆکی فراکسیۆنی  پارتی دیموکراتی کوردستان لە ئەنجوومەنی پارێزگای کەرکووک بە ئاڤا نیوزی ڕاگەیاند: "ئەمڕۆ لە پێشوازی هاووڵاتییان بووین کە بەرەو کەرکووک دەگەڕانەوە، ئەوان هاووڵاتی ڕەسەنی کەرکووکن، بەڵام بە هۆکاری جیاواز لە کەرکووک نەماون، ئێستا دووبارە کەرکووکی بوونی خۆیان دووپات دەکەنەوە و ناوی خۆیان تۆمار دەکەنەوە".

 

زانیاریی زیاتر: لەبارەی دابینکردنی شوێنی مانەوە بۆ ئەو کەسانەی دەگەڕێنەوە کەرکووک، حەسن مەجید گوتی،  "ئێمە وەکو پارتی هەر هاووڵاتییەک پێویستی پێمان هەبێت خزمەتییان دەکەین و جێگا و شوێن بۆ ئەو کەسانە دابیندەکەین کە شوێنی مانەوەیان نییە".

 

ئەوەی پێویستە بیزانیت:  "چەند ژمارەیەکی تەلەفۆنمان دابینکردووە، هەر خانەوادەیەک کێشەی هەبێت یان ناوی تۆمار نەکرێت لەلایەن بژمێرەکانەوە، دەتوانن پەیوەندییمان پێوە بکەن تاوەکو چارەسەری کێشەکانییان بکەین". حەسن مەجید وادەڵێت.