ناوەڕۆكی 70 پرسیارەكەی سەرژمێری داواكاریی وەزارەتەكانە

ئاڤا نیوز

 

مەحموود عوسمان، بەڕێوەبەری جێبەجێکاری سەرژمێری لە هەرێمی کوردستان، باس لە ناوەڕۆكی 70 پرسیارەكەی دواقۆناغی سەرژمێریی گشتیی دانیشتووان دەكات و دەڵێت، پرسیاری سادە و ساكارن.

 

لێدوانی فەرمی: مەحموود عوسمان، بەڕێوەبەری جێبەجێکاری سەرژمێری لە هەرێمی کوردستان ڕایگەیاند: قۆناغی پڕكردنەوەی فۆڕمی 70 پرسیارەكە لە 27ی ئەم مانگە دەستپێدەكات و تاوەكو 16ی مانگی داهاتوو بەردەوام دەبێت.

 

لەلایەكی دیكەوە: بەڕێوەبەری جێبەجێکاری سەرژمێری لە هەرێمی کوردستان، سەبارەت بە ناوەڕۆكی 70 پرسیارەكە ڕایگەیاند: ئێمە پێشتر خواستی وەزارەت و دامودەزگاكانی حكومەتمان وەرگرتووە بۆ ئەوەی بزانین داواكاریی ئەوان چییە و چ جۆرە زانیاریی و داتایەكیان دەوێت.

 

ئەوەی پێویستە بیزانیت: بەپێی گوتەی ئەو بەڕێوەبەرەی سەرژمێری، پرسیارەكان بە زمانێكی سادە نووسراون و ئاڕاستەی خێزانەكان دەكرێن، ئامانج لێی سوود وەرگرتنە لە وەڵامەكانیان بۆ داهاتووی هەرێمی كوردستان، وەزارەتەكان لە داهاتوو دا سوود لەو وەڵامانە وەردەگرن بۆ داڕشتنی پلانی كاركردنیان.

ئەوەش بزانە: لەچوارچێوەی 70 پرسیارەكە، پرسیار سەبارەت بە كارەبای نیشتمانی و مۆلیدە و ئاوی پاك و ئاوەڕۆ و كەلوپەلە كارەباییەكانی ناو ماڵ و چەندین پرسیاری دیكە ئاراستە خێزانەكان دەكرێن، سەرپەرشتیارانی سەرژمێریش دەڵێن: تەنیا یەك كەس لەنێو خێزانەكە وەڵام بداتەوە ئاساییە.