ماڵپەڕی دادگای تێهەڵچوونەوەی سلێمانی هاک کرا

ئاڤا نیوز

ماڵپەڕی فەرمی دادگای تێهەڵچوونەوەی سلێمانی لەلایەن دوو تیمی هاککەرەوە هاک کراوە و تاوەکو ئێستا نەتوانراوە بگەڕێنرێتەوە.

 

وێنە گەورەکە: دوو تیمی هاککەر ماڵپەڕی فەرمی دادگەی تێهەڵچوونەوەی سلێمانیان هاک کردووە و لە بری کار و چالاکییەکانی دادگاکە وێنەیەکی هاوکار جاف دانراوە، لە بەرامبەریدا وێنەی وەهاب هەڵەبجەیی فەرماندەی دژەتیرۆری یەکێتییان داناوە و نووسراوە "دادگا تاکە شوێنی وەرگرتنەوەی مافەکانە؟ ئەی بۆچی هێشتا ئازادن بکەرانی تیرۆرکردنی شەهید هاوکار و شەهیدانی دیکە."

 

زانیاریی زیاتر: ئاڤا بەمەبەستی دەرخستنی زانیاریی و زانینی ورد هاککردنەکە پەیوەندی بە ئاسایشی سلێمانی و دادگای تێهەڵچوونەوە کرد، بەڵام وەڵاممیان نەدایەوە.

باکگراوند: ڕۆژی هەینی 7-10-2022، عەقید هاوکار عەبدوڵڵا، ناسراو بە هاوکار جاف کە لە دژەتیرۆری یەکێتی عەقید بوو، لە گەڕەکی سەربەستی شاری هەولێر کاتێک خۆی شۆفێری دەکرد، بۆمبێکی پێدا تەقییەوە و بەهۆیەوە  گیانی لەدەست دا.