ئۆکراینا: لەساڵی 2022 ەوە تا ئێستا 730 هەزار سەربازی ڕووسی کوژراون

ئاڤا نیوز

 

لەساڵی 2022 ەوە جەنگی نێوان ڕووسیا و ئۆکراینا دەستی پێکردووە و تا ئێستا بەردەوامی هەیە، ئەمەش بووەتە کوژرانی سەربازێکی زۆر لە هەردوولا.

 

لێدوانی فەرمی: سووپای ئۆکراینا، لە تۆڕی کۆمەڵایەتی فەیسبووک ڕاگەێندراوێکی بڵاوکردەوە و ڕایگەیاند، لە سەرەتای دەستپێکردنی جەنگی نێوان ڕووسیا و ئۆکراینا لە ساڵی 2022 ەوە تا ئێستا 730 بۆ 740 هەزار سەربازی ڕووسی لە جەنگەکەدا کوژراون.

 

ژمارەکان وادەڵێن: هەر بەپێی ڕاگەێندراوەکە، سوپاسی ئۆکراینا، لەسەرەتای جەنگەوە توانیوێتی 9423 دەبابە، 19209 مودەرەعە تێکبشکێنێت. هاوکات 369 فڕۆکەی جەنگی، 329 هێلیکۆپتەر، 19366 درۆن، 2764 مووشەکی کروز، 28 کەشتی جەنگی، یەک ژێردەریایی، 29864 کۆگای تەقەمەنی، 3679 چەکی تایبەت تێکشکێندراون. 

 

لەلایەکی دیکەوە: وەزارەتی بەرگری ڕووسیا ئەمڕۆ یەکشەممە ڕایگەیاند، سیستەمی بەرگری ئاسمانی ولاتەکەی 34 فڕۆکەی بێفڕۆکەوانی ئۆکراینایان لەناوبردووە، لەنێویاندا 27 فڕۆکەی بێفڕۆکەوان لە ئاسمانی ناوچەی سنووری کورسک بووە.