ئەنجوومەنی وەزیران کۆدەبێتەوە و ئاڤا تەوەرە سەرەکییەکان ئاشکرا دەکات

ئاڤا نیوز

 

بەسەرپەرشتی سەرۆکوەزیران مەسرور بارزانی، سبەی چوارشەممە ئەنجوومەنی وەزیرانی هەرێمی کوردستان کۆدەبێتەوە، پرسەکانی مووچە، سەرژمێریی دانیشتووان و چەند بابەتێکی دیکە تاوتوێ دەکات. 

 

زانیاریی بەدەستهاتوو: ئاڤا نیوز زانیویەتی، ئەنجوومەنی وەزیران سێ بڕگە تاوتوێ دەكات:

بڕگەی یەكەم؛ بریتییە پرسی سێ مووچەی کۆتایی ئەمساڵ و کێشە و گرفتەکانی بەردەم خەرجکردنی لە بەغدا و چارەسەرەکان. 

بڕگەی دووەم؛ بریتییە لە خستنەڕووی ڕاپۆرتێک لەلایەن وەزیری پلاندانان سەبارەت بە بەڕێوەچوونی قۆناغی یەکەمی سەرژمێریی گشتیی دانیشتووان بە سەركەوتوویی لە عێراق و هەرێمی كوردستان لە ڕۆژانی 20 و 21-11-2024 و قۆناغ و هەنگاوەكانی دیكەی پرۆسەكە.

 

بڕگەی سێیەم؛ لەلایەن وەزارەتی شارەوانی و گەشتوگوزارەوە پڕۆژە بڕیارێكی پێشنیازكراو سەبارەت بە پاژەكردن (پێدان بە قیست)ی ئەو بڕە پارەیەی كە لە زیادەڕۆكار وەردەگیرێت كە خانووی نیشتەجێی بە زێدەڕۆیی لە سنووری شارەوانییەكان دروست كردووە.