حیزبوڵڵای عێراق لەبارەی ئاگربەستی لوبنان و ئیسرائیل بەیاننامەیەکی دەرکرد

ئاڤا نیوز

 

کەتیبەی حیزبوڵڵای عێراق لەبارەی ڕێککەوتنی ئاگربەستی کاتی لە نێوان ئیسرائیل و حیزبوڵڵای لوبنان، بەیاننامەیەکی دەرکرد و ئاماژەی بەوە کرد، "خۆڕاگری"ی حیزبوڵڵا و شکستی "ئیسرائیل" نەبووایە ئاگربەست نەدەهاتە ئاراوە. 

 

وێنە گەورەکە: ئیسرائیل ڕەزامەندیی لەسەر پێشنیازەکەی ئەمریکا لەبارەی ئاگربەست لە لوبنان نیشانداوە و لە ئەمڕۆوە بۆ ماوەی 60 ڕۆژ جەنگی نێوان ئیسرائیل و حیزبوڵڵای لوبنانی ڕادەگیرێت.

 

ڕاگەیێنراوی فەرمی: کەتیبەی حیزبوڵڵای عێراق لە بەیاننامەیەکدا ڕایگەیاند: ئەمریکای دوژمنکار، هاوبەشی ئیسرائیلە لە هەموو غەدر و کوشتن و کاولکاری و ئاوارەکردنی خەڵکی و دەبێت باجەکەی بدات، پشووی بەرەیەک لە مقاوەمە کاریگەریی لەسەر بەرەی مقاوەمە نابێت بەڵکو بەرەی نوێ دێتە مەیدانەکە.

 

زانیاریی زیاتر: کەتیبەی حیزبوڵڵای عێراق باسی لەوەشکرد، "هەڵوێستی جێگیری خۆمان لەبارەی دۆزی فەلەستین دووپات دەکەینەوە، ئێمەش خەڵکی خۆما لە غەززە جێناهێڵین و گوێ بە ‌هەڕەشەکانی دووژمن نادەین".