بەریتانیا ڕێککەوتنێک لەگەڵ عێراق واژۆ دەکات

ئاڤا نیوز

 

بۆ ڕێگریکردن لە کۆچبەرانی نایاسایی و ڕوبەڕوبونەوەی قاچاخچییەکانی مرۆڤ و بازرگانانی ماددەی هۆشبەر، بەریتانیا ڕێککەوتنێکی لەگەڵ عێراق و واژۆ کرد.

 

چیرۆکی سەرەکی: لە میانەی هەوڵەکانی حکومەتی بەریتانیا بۆ ڕووبەڕووبوونەوەی کۆچی نایاسایی، وەزیری ناوخۆی ئەو وڵاتە سەردانی هەرێمی کوردستان و عێراقی کرد.

 

لێدوانی فەرمی: ئیڤێت کووپەر، وەزیری ناوخۆی بەریتانیا ڕایگەیاند: ڕێککەوتنەکە بە مانای هاوکارییەکی نزیکە لەگەڵ هەواڵگری و پۆلیسی عێراق بۆ ڕووبەڕووبوونەوەی قاچاخچییەکانی مرۆڤ و بازرگانانی ماددەی هۆشبەر.

 

کووپەر ئاماژەی بەوەش کرد،  پێویستە ڕێگری لەو باندە قاچاخچییانە بگیرێت کە بە بەلەمی بچووک لە ڕێڕەوە ئاوییە مەترسیدارەکانەوە خەڵک دەگوازنەوە لە باکوری فەرەنسا، ئەڵمانیا و سەرانسەری ئەوروپا بۆ بەریتانیا.