ئۆپەراسیۆنە هاوبەشەکانی عێراق: سنووری عێراق و سووریا پارێزراوە

ئاڤا نیوز

 

فەرماندەی ئۆپەراسیۆنە هاوبەشەکانی عێراق ئاشکرایکرد، سنووری عێراق و سووریا پارێزراوە و هیچ مەترسییەک لە دزەکردنی چەکداران نییە.

 

وێنە گەورەکە: ماوەی چەند ڕۆژێکە شەڕ و پێکدادان لە نێوان گرووپە چەکدارەکانی ئۆپۆزیسیۆن و سوپای سووریا لە باکوور و ڕۆژئاوای ئەو وڵاتە بەردەوامە، نزیکەی 300 کەس لە هەردوولا کوژراون، هاوکات ڕێگای نێودەوڵەتی بەستنەوەی دیمەشقی پایتەخت بە شارە گەورەکانی باکووری سووریا پچڕاوە.

 

لێدوانی فەرمی: لیوا قەیس محەممەداوی، جێگری فەرماندەی ئۆپەراسیۆنە هاوبەشەکانی عێراق ڕایگەیاند: سنووری عێراق و سووریا لەڕووی سەربازیی و تەکنیکییەوە پارێزراوە و بە درێژی دەیان کێلۆمەتر کۆنکرێت دانراوە و تەلبەن کراوە.

 

زانیاریی زیاتر: محەممەداوی ئاماژەی بەوەش کرد، جگە لە چاودێری کردن بەسیستمی کامێرا و فڕۆکەی بێفڕۆکەوان، نزیکەی حەوت بۆ 10 کیلۆمەتر، سووپا و هێزەکانی حەشدی شەعبی لەو دیو سنووری عێراق لەگەڵ سووریا جێگیرکراون.