لە ماوەی شەش ڕۆژدا لە عێراق 12 كەس كوژراون

ئاڤا نیوز

لە ماوەی تەنیا شەش ڕۆژدا لە عێراق، 12 کەس  کوژراون و زۆربەی ڕووداوەکانیش لە بەغدا ڕوویانداوە.

وێنە گەورەکە: لە ماوەی شەش ڕۆژی ڕابردوودا لە هەریەک لە پارێزگاکانی بەغدا، دیالە، واست، زیقار و میسان، چەندین ڕووداوی تەقەکردن ڕوویانداوە و بەو هۆیەوە 12 کەس کوژراون، کە زۆربەیان لە پارێزگای بەغدا بووە.

زانیاری زیاتر: هۆکاری بەشێک لەو ڕووداوە تەقەکردنانە کۆمەڵایەتی بوون، بەڵام جیا لەوە هەوڵی تیرۆرکردنی چالاکوان و کەسایەتییە دیارەکان هەبووە و هەندێک لە تەقەکەرەکان کەسانی پلەداربوونە.

ئەوەی لە بارەیەوە دەگوترێت: ڕووداوەکانی تەقەکردن لە عێراق لە زیادبووندایە بە تایبەت هەوڵەکانی "تیرۆرکردن"، چالاکوانانیش ئەمە بە مەترسییەکی گەورە دەزانن و  بە پاشەکشەیەکی گەورەی ئەمنیی لەو وڵاتەدا دادەنرێت.