ئاسایشی نیشتمانیی عێراق لەبارەی سنوورەکانیان لەگەڵ سووریا دڵنیایی دەدات

ئاڤا نیوز

 

ئاسایشی نیشتمانیی عێراق ڕایدەگەیێنێت، هێزە چەکدارەکان سەرجەم ڕێککارە خۆپارێزییەکانیان گرتووەتەبەر بۆ پاراستنی سنوورەکانیان و ئاماژە بۆ ئەوەش دەکات، ئەو شەڕەی لە سووریا هەیە، دوورە لە سنووری عێراق.

 

وێنە گەورەکە: ماوەی چەند ڕۆژێکە شەڕ و پێکدادان لە نێوان گرووپە چەکدارەکانی ئۆپۆزیسیۆن و سوپای سووریا لە باکوور و ڕۆژئاوای ئەو وڵاتە بەردەوامە، عێراق ترسی ئەوەی لێ نیشتووە بەهۆی ئەو ئاڵۆزییانەوە چەکدارانی داعش لە سووریاوە دزە بکەنە نێو عێراق.

 

لێدوانی ڕۆژنامەوانی: قاسم ئەعرەجی، ڕاوێژکاری ئاسایشی نیشتمانیی عێراق لە میانی بەشداریکردنی لە کۆڕبەندی “پێکەوە بۆ ئاشتی”، ڕایگەیاند: بارودۆخی ئێستای عێراق بەراورد بە پێشوو جیاوازە لەو کاتەی داعش چەندین ناوچەی کۆنترۆڵ کردبوو، هێزە ئەمنییەکان هەموو ڕێککارە ئەمنییەکانیان گرتووەتەبەر و ئەوەی لە سوریا ڕوودەدات دوورە لە سنووری عێراقەوە.

 

لەهەمان کاتدا: ئەعرەجی هەموو لایەک دڵنیا دەکاتەوە لەوەی هێزەکانی عێراق هەموو ڕێکارێکی خۆپارێزییان گرتووەتەبەر بۆ چاودێریکردنی ئاسایشی سنوورەکان.

 

لەلایەکی دیکە: " هیوادارم حکومەتی سووریا هەموو ئەو ناوچانە کۆنترۆڵ بکاتەوە کە لە ژێر دەسەڵاتی هێزەکانی دیکەدان". قاسم ئەعرەجی وادەڵێت