تەقەکەرەکەی دادگای دهۆک خۆی ڕادەستی پۆلیس کرد

ئاڤا نیوز

 

پۆلیسی دهۆک ڕایدەگەیێنێت، ئەو کەسەی، تەقەی لە باڵەخانەی دادگای دهۆک کرد، خۆی ڕادەست کرد.

وێنە گەورەکە: دوای کاتژمێر چواری ئەمڕۆ شەممە، 30-11-2024، کەسێک بە چەکەوە دەچێتە بەردەم باڵەخانەی سەرۆکاتی دادگای تێهەڵچوونەوەی دهۆک تەقە دەکات و دواتر بۆ شوێنێکی نادیار هەڵدێت.

لێدوانی فەرمی: عەقید هێمن سلێمان، وتەبێژی بەڕێوەبەرایەتیی پۆلیسی پارێزگای دهۆک بە ئاڤا نیوزی ڕاگەیاند: کەمێک پێش ئێستا تەقەکەرەکەی بەردەم دادگای دهۆک لەگەڵ سێ کەسی دیکە کە هاوکاری تەقەکەرەبوون، خۆیان ڕادەستی پۆلیس کرد و پەڕاوی لێکۆلینەوەش لە ڕووداوەکە دەستی پێکردووە.

لەلایەکی دیکەوە: هێمن سلێمان دەڵێت، ئەمڕۆ دەوامیی فەرمیی نەبووە، بەڵکو تەنیا پاسەوانەکانی دادگا لەوێ بوونە و هیچ زیانێکی ماددی نەبووە، هۆکاری تەقەکەش کێشەیەکی کۆمەڵایەتیی بووە.