یەکەم پێکدادان لەنێوان هەسەدە و تەحریر شام ڕوودەدات

ئاڤا نیوز

لە ناوچەیەکی حەلەب شەڕ و پێکدادان لەنێوان هەسەدە و تەحریر شام ڕوودەدات و کوژراو و برینداری لێدەکەوێتەوە.

 

چیرۆکی سەرەکی: هێزەکانی سوریای دیموکرات (هەسەدە) و هێزەكانی ئۆپۆزیسیۆنی سووریا (کە تەحریر شام سەرۆکایەتی دەکات) لەدوای سەرهەڵدانی شەڕی حەلەب لە هەفتەی ڕابردوودا، بۆ یەکەمجار ڕووبەڕووی یەک دەبنەوە.

زانیاریی زیاتر: شەڕەکە لە ناوچەیەكی نزیك شێخ مەقسوودی پارێزگای حەلەب ڕووی داوە، تەحریر شام هێرشی کردووەتە سەر هەسەدە، بەڵام بەتووندی بەرپەرچیان دراوەتەوە، بەپێی زانیارییە سەرەتاییەکان سێ چەكداری گرووپەکە کوژراون و دواتر کشاونەتەوە.

باکگراوند: شەڕی حەلەب لە دووشەممەی ڕابردووەوە سەریهەڵداوە، 72 کاتژمێرە شەڕێکی قورس بەردەوامە، تائێستا زیاتر لە 300 کەس کوژراون و ئەحرار شام 75%ی حەلەبی کۆنترۆڵ کردووە.

ئەوەی پێویستە بیزانیت: پەیوەست بە کورد و ڕۆژئاوای کوردستان هەموو ئاماژەکان بۆ ئەوەن هەسەدە پریشکی ئاگرەکەی بەردەکەوێت، دوای کشانەوەی سوپای سووریا لە حەلەب هەسەدە چووە ناو فڕۆکەخانەی نێودەوڵەتیی حەلەب و چەند گەڕەکێک، بەڵام دواتر لە فڕۆکەخانە کشایەوە.