عراقچی: دەرکەوتنی گرووپە چەکدارەکان لە ناوچەکە بە پاڵپشتی ئەمریکا و ئیسرائیلە

ئاڤا نیوز

دوای ئەو گرژیی و ئاڵۆزییانەی لە سووریا دروستبووە، ئێران لەو بارەیەوە ڕایگەیاند، چالاکی ئەو گرووپە چەکدارانە لە ناوچەکەدا بە پشتیووانی ئەمریکا و ئیسرائیلە.

 

وێنە گەورەکە: ڕۆژی 27-11-2024، دوای چوار ساڵ جارێکی دیکە، شەڕ و پێکدادان لە نێوان گرووپە چەکدارەکانی ئۆپۆزیسیۆن و سوپای سووریا لە باکوور و ڕۆژئاوای ئەو وڵاتە دەستی پێکردەوە و بەهۆیەوە تاوەکو ئێستا نزیکەی 300 کەس لە هەردوولا کوژراون.

 

لێدوانی فەرمی: عەباس عراقچی، وەزیری دەرەوەی ئێران ڕایگەیاند: ''هەموو ڕۆژێک شاهێدی پیلانگێڕییەکی نوێ دەبین، سەرهەڵدانەوەی ئەم گرووپە چەکدارییانە بەهۆی پاڵپشتی و پاراستنی ئەمریکا و ئیسرائیلە بەڵام هەموو هەوڵەکانیان شکستدەهێنن''.

 

لەلایەکی دیکەوە: دوێنێ حوسێن سەلامی فەرماندەی سوپای پاسدارانی ئێران ڕایگەیاند: دۆڕاوانی شەڕی غەززە و لوبنان پێشەنگی هێرشەکانی سووریان.