خەوی ناڕێک مەترسی تووشبوون بە چەندین نەخۆشی زیاد دەکات

ئاڤا نیوز

توێژینەوەیەکی نوێ دەریخستووە کە ئەو کەسانەی خەوێکی ناڕێکیان هەیە، مەترسی تووشبوونیان بە جەڵتەی دڵ و مێشک زیاترە.

 

بڵاوکراوەی فەرمی: توێژینەوەکە لە گۆڤاری Journal of Epidemiology & Community Health بڵاوکراوەتەوە و تێیدا هاتووە، ئەو کەسانەی خەوێکی ناڕێکیان هەیە و لە کاتی جیاواز دەخەون و هەڵدەستن، مەترسی تووشبوونیان بە جەڵتەی دڵ بەڕێژەیی 26% زیاترە.

 

ئەوەی پێویستە بیزانیت: توێژەران لە توێژینەوەکە بۆیان دەرکەوتووە کە ئەم مەترسییە بەبێ گوێدانە بە کاتی گونجاو بۆ خەوە کە حەوت بۆ هەشت کاتژمێرە بەڵکو بەهۆی ناڕێکی خەوەوەیە.

 

لێدوانی فەرمی: ژان فیلیپ شابۆد، سەرۆکی توێژینەوەکە لە کەنەدا ڕایگەیاند: "گەیشتنە ئەو ئەنجامەی کە ڕێکی خەوتن گرنگترە لە ماوەی خەوتنی گونجاو لە ڕووی مەترسی تووشبوون بە نەخۆشییەکانی دڵ و خوێنبەرەکانەوە".

 

لەلایەکی دیکەوە: لە توێژینەوەکە دەرکەوتووە کە ناڕێکی خەوتن کاریگەری نەرێنی لەسەر تەندروستی دڵ هەیە، بەهۆی تێکدانی چۆنییەتی ڕێکخستنی ئاستی شەکر لە خوێن و کار لە سیستەمی بەرگری لەش دەکات.