سوودانی و پزیشکیان: دەبێت ڕێگریی لە تێکچوونی دۆخی سووریا بکرێت

ئاڤا نیوز

 

سەرۆکوەزیرانی عێراق و سەرۆککۆماری ئێران لەبارەی دۆخی سووریا بە تەلەفۆن قسەیان کرد و دەڵێن، پێویستە ڕێگریی لە تێکچوونی دۆخی سووریا بکرێت، بەجۆرێک نەبێتە مایەی هەڕەشە لەسەر ئاسایش و ئارامی ناوچەکە.

 

ڕاگەیێنراوی فەرمی: نووسینگەی ڕاگەیاندنی سەرۆکوەزیرانی عێراق بڵاویکردەوە، محەممەد شیاع سوودانی، سەرۆکوەزیران پەیوەندییەکی تەلەفۆنی لەگەڵ مەسعود پزیشکیان، سەرۆککۆماری ئێران ئەنجامدا و تیایدا هەردوولا باسیان لە دۆخی ناوچەکە و بەتایبەت پێشهاتەکانی سووریا و ڕووداوەکانی فەڵەستین کرد، لەوانەش بەردەوامی هێرشەکانی ئیسرائیل بۆسەر ناوچەکانی دانیشتوان لە کەرتی غەززە.

 

بەگوێرەی ڕاگەیێنراوەکە، هەردوولا جەختیانکردووەتەوە لە بەردەوامی هەوڵ و هەماهەنگیی نێوان وڵاتانی ناوچەکە بۆ ڕاگرتنی شەڕی غەززە و کارکردنی هاوبەش بۆ ئەوەی ڕێگریی لە تێکچوونی دۆخی سووریا بکرێت، بەجۆرێک نەبێتە هەڕەشە لەسەر ئاسایشی و ئارامی ناوچەکە.