سبەی لە 12 پارێزگای عێراق پشووە

ئاڤا نیوز

 

لەکاتێکدا لە ناوچە سوننەنشینەکان ئەمڕۆ 15ـی شەعبان بوو، بەڵام لە ناوچە شیعەنشینەكان سبەی دووشەممە 15ـی شەعبانە و بەهۆی "زیارەتی شەعبانییە" پشووی فەرمی ڕاگەیێنراوە.

 

چیرۆکی سەرەکی: ڕۆژی 15ـی شەعبان بەهۆی یادی لەدایکبوونی ئیمام مەهدی، موسڵمانانی شیعە مەزهەب سەردانی مەزارگەی ئیمام حوسێن لە کەربەلا دەکەن و بەهۆیەوەش لە 12 پارێزگای عێراق، پشووی فەرمی ڕاگەیێنراوە.

 

ڕاگەیێنراوی فەرمی: وەزارەتی ناوخۆی عێراق لەبارەی "زیارەتی شەعبانییە" و سەردانی شیعەکانی بۆ مەزارگەی ئیمام حوسێن، پلانی ڕۆژی 15ـی شەعبانی بڵاوکردووەتەوە و ڕایگەیاندووە: "قەدەغەی هاتووچۆ ڕاناگەیێنرێت".

 

زانیاریی زیاتر: پشووەکە لە پارێزگاکانی بەغدا، نەجەف، کەربەلا، بابل، زیقار، موسەننا، دیوانییە، بەسڕە، میسان، واست، سەڵاحەدین و دیالە دەبێت.