عێراق: ئێران ئاگاداری نەکردینەوە لە نیازی ناردنی هێز بۆ سووریا لەودیو سنوورەکانمانەوە

ئاڤا نیوز 

 

حکومەتی عێراق ڕایدەگەیێنێت، ئێران تاوەکو ئێستا بەشێوەیەکی فەرمی ئاگاداری نەکردینەوە لە نیازی ناردنی هێز بۆ سووریا چ لە سنوورەکانمانەوە یان لە دەرەوەی خاکی عێراق.

 

وێنە گەورەکە: حکومەتی عێراق ڕێکاری تووندی لەسەر سنوورەکەی گرتووەتەبەر و گرووپە چەکدارەکانی عێراقیش ئامادەیی خۆیان دەربڕیوە بۆ بەرگریکردن لە حکومەتەکەی ئەسەد دژی ئۆپۆزسیۆن بچنە سووریا، ئێرانیش نیازی خۆی نیشانداوە هێز بنێرێتە دیمەشق.

 

لێدوانی ڕۆژنامەوانی: باسم عەوادی، وتەبێژی حکومەتی عێراق لە دیدارێکی تەلەڤزیۆنیدا ڕایگەیاند: لەو کاتەوەی هێرشەکان لەناوخۆی سووریا دەستیان پێکردووە، ڕێوشوێن و ڕێکاری پێویست لەلایەن دەزگا ئەمنییەکانی عێراقەوە گیراوەتەبەر و چاودێری دۆخەکە لەسەر سنووری عێراق لەگەڵ سووریا دەکەن.

 

ئەوەی لەوبارەیەوە دەگوترێت: سەبارەت بە نیازی ئێران بۆ ناردنی هێز بۆ دیمەشق، هەڵوێستی بەغدا لەوبارەیەوە، عەوادی ڕایگەیاند: تاوەکو ئێستا بە شێوەیەکی فەرمی لەلایەن کۆماری ئیسلامی ئێرانەوە ئاگادار نەکراوینەتەوە، لەوەی بیانەوێت هێز بۆ سووریا بنێرێن، چ لەناو خاکی عێراق یان لە دەرەوەی خاکەکەی.

 

مەترسییە پێشبینیكراوەكان: بە گوتەی باسم عەوادی ئەوان ترسیان لە دووبارەبوونەوەی سیناریۆی 2014 هەیە ئەوکاتەی داعش هێرشی کردە سە ڕۆژئاوای عێراق و سێیەکی عێراقی کۆنترۆڵ کرد و دەڵێت: ئێستاش ترسمان لەوە هەیە سەرلەنوێ داعش دروست ببێتەوە یان گرووپی دیکەی چەکداری لە سنوورەکانەوە کێشە بۆ عێراق دروست بکەن و عێراق ڕابکێشنە نێو شەڕەوە.