زانکۆی دهۆک لەسەر ئاستی هەرێمی کوردستان یەکەمە

ئاڤا نیوز

بۆ جاری یەکەم زانکۆی دهۆک لەسەر ئاستی هەرێمی کوردستان لە ڕێزبەندی زانکۆکانی عەرەبیدا پلەی یەکەمی بەدەستهێناوە.

 

لێدوانی فەرمی: د.داود ئەترۆشى، سەرۆکی زانکۆی دهۆک، بە ئاڤا نیوزی ڕاگەیاند: زانكۆكەمان لە ڕیزبەندی دەزگای Times higher education بۆ زانکۆکانی وڵاتە عەرەبییەکان، پلەی یەکەمی بەدەستهێناوە لەسەر ئاستی زانکۆکانی هەرێمی کوردستان، ئەوەش بەهۆی ئەو پێشکەوتنانەی كە لە ماوەی ڕابردوودا بەدەستهاتوون، لەسەر ئاستی زانکۆکانی عێراقیش لە پلەی شەشەمداین، هاوکات لەسەر ئاستی زانکۆکانی وڵاتانی عەرەبی لە پلەی 43ـ داین. 

 

لەلایەکی دیکەوە: زانکۆی پۆڵیتەکنیکی سلێمانی ڕایگەیاند، بۆ یەکەمجارە زانكۆكەیان دەچێتە ڕیزبەندی دەزگای Times higher education بۆ زانکۆکانی وڵاتە عەرەبییەکان، بەگوێرەی ڕیزبەندییەكە، لەسەر ئاستی زانکۆکانی هەرێمی کوردستان پلەی دووەمی بەدەستهێناوە، لەسەر ئاستی زانکۆ تەکنیکییەکانی عێراقیش لە پلەی چوارەمدایە، لەسەر ئاستی زانکۆکانی وڵاتانی عەرەبی لە پلەی 121 - 140 دایە. هەروەها زانکۆی سەڵاحەددین لە ڕیزبەندی سێیەمدایە و لە ڕیزبەندی 10یەمدایە لەسەر ئاستی عێراق.

 

ئەوەی پێویستە بیزانیت: ئەم ڕیزبەندییە لەسەر چەند پێوەرێکی جیاواز دەکرێت کە پێکهاتوون لە، کوالێتی توێژینەوە، ڕوانگەی نێودەوڵەتی، ژینگەی توێژینەوە، شێوازی فێرکردن، کاریگەری توێژینەوەکان، سەرەڕای بەشداریکردنی زانکۆکان و پێشکەشکردنی داتا بۆ ئەم ڕانکینە، تەنها ئەو زانکۆیانە لە ڕیزبەندیدا دێن کە پێوەرەکانیان بەپێی پێویست بێت.