وەزیری ناوخۆی سووریا: پشتێنەیێکی سەربازیی تووندمان لە دەورووبەری دیمەشق دروستکردووە

ئاڤا نیوز

لەکاتێکدا گرووپە چەکدارەکانی ئۆپۆزیسیۆنی سووریا دەڵێن: لە دیمەشقی پایتەخت نزیکبووینەتەوە، وەزیری نێوخۆی سووریاش ڕایدەگەیێنێت، "پشتێنەیێکی ئەمنیی تووندمان لە دەوروبەری دیمەشق دروستکردووە".

وێنە گەورەکە: ڕۆژی 25-11-2024، دەستەی تەحریرولشام و ئۆپۆزیسیۆنی سووریا دەستیان بە هێرشکردنە سەر سەربازانی سوپای سووریا لە باکووری وڵاتەکە کرد. سەرەتا پارێزگاکانی حەما و حەلەبیان گرت، ئێستاش چاویان لەسەر حومس و دیمەشقی پایتەختە، هەروەها چەکدارەکان ڕووبەرێکی فراوانی پارێزگەکانی سوەیدا، دەرعا و قونەیترەیان کۆنترۆڵکردووە.

ڕاگەیێنراوی فەرمی: ئەمڕۆ شەممە، 7-12-2024، محەممەد رەحموون، وەزیری ناوخۆی سووریا بە تەلەڤیزیۆنی فەرمیی وڵاتەکەی ڕاگەیاند، "پشتێنەیێکی ئەمنیی و سەربازیی زۆر تووندمان لە دەورووبەری دیمەشق دروستکردووە".

لەوبارەیەوە دەڵێت، هیچ کەسێک ناتوانێت ئەو پشتێنە ئەمنییە ببڕێت کە هێزە چەکدارەکانمان دروستیان کردوون.

 

لەلایەکی دیکەوە: هەر ئەمڕۆ ئەبو محەممەد جۆلانی، سەرۆکی دەستەی تەحریرولشام پەیامێکی بۆ چەکدارەکانی بڵاوکردەوە و رایگەیاند، "دیمەشق چاوەڕێتانە".