یەکەم پەیامی تەحریرولشام دوای چوونە ناو دیمەشقەوە

ئاڤا نیوز

 

گرووپە چەکدارەکانی ئۆپۆزیسیۆنی سووریا توانییان دەست بەسەر دیمەشقی پایتەختدا بگرن، لەگەڵ ئەمەشدا تەحریرولشام یەکەم پەیامی خۆیان دەنێرن.

 

وێنە گەورەکە: دوای 11 ڕۆژ لە شەڕ دواجار ئۆپۆزیسیۆنی چەکداریی سووریا لە کاتژمێر 06:00ی بەرەبەیانی 8-12-2024 توانییان دیمەشق کۆنتڕۆڵ بکەن و گەلی سووریا ئازاد بوو و بەشار ئەسەد ڕووخا.

 

ڕاگەیێنراوی فەرمی: محەممەد جۆلانی، سەرۆکی دەستەی تەحریرولشام لەگەڵ چوونە نێو دیمەشقی پایتەخت ڕایگەیاند: 

• نزیکبوونەوە لە دامودەزگا حکومییەکان قەدەغەیە.

 

• تەواوی دامودەزگاکان لە ژێر سەرکردایەتی سەرۆکوەزیرانی سووریادا دەمێنێتەوە، تاوەکو ڕادەستکردنی دەسەڵات ئەنجام دەدرێت.

 

• تەحریرولشام: سەردەمێکی نوێ لە سووریا دەستپێدەکات، سەردەمێک کە هەموو کەسێک ئازاد و یەکسانە تیایدا.

 

بۆچی گرنگە: ئەمە یەکەم پەیامی گرووپە چەکدارەکانی ئۆپۆزیسیۆنە دوای کۆنترۆڵکردنی دیمەشقی پایتەختی سووریا، کە توانییان لە ماوەیەکی کەمدا پێشڕەوی بکەن و دیمەشق کۆنترۆڵ بکەن.