حیزبوڵڵا چەکدارەکانی لە چەند ناوچەیەکی سووریا دەکشێنێتەوە

ئاڤا نیوز

 

حیزبوڵڵا هێزەکانی ڕادەسپێرێت دەستبەجێ پێگەکانیان لە ناوچەکانی دەوروبەری حومس و دیمەشق چۆڵ بکەن، ئەمەش دوای کۆنترۆڵکردنی دیمەشق لەلایەن هێزەکانی ئۆپۆزیسیۆنەوە. 

وێنە گەورەکە: لە 27ی مانگی ڕابردووەوە، گرووپە چەکدارەکانی ئۆپۆزیسیۆنی سووریا هێرشی بەرفراوانیان کردە سەر شارەکانی ئیدلب و حەلەب و لە ماوەیەکی کەمدا کۆنترۆڵیانکردن، لە ماوەی 24 کاتژمێری ڕابردوودا چوار شاری دیکەیان کۆنتڕۆڵکرد، ئەوانیش، دەرعا، قونەیترە، سوەیدا و حومس بوون، هاوکات بەرەبەیانی ئەمڕۆ ئۆپۆزسیۆن بە فەرمی کۆترۆڵکردنی دیمەشقی پایتەختی ڕاگەیاند. 

 
ڕاگەیێنراوی فەرمی: سەرچاوەیەکی نزیک لە حیزبوڵڵای لوبنان ڕایگەیاند: هێزەکانیان لە دەوروبەری دیمەشق و حومس بەرەو لوبنان و ناوچە دوورەدەستەکانی سووریا کشاندەوە. 

لەلایەکی دیکەوە: ئەمەش لە کاتێکدایە دوێنی سەرچاوەیەکی نزیک لە حیزبوڵڵا ئاماژەی بەوەکردبوو، دوو هەزار سەرباز بۆ هەندێک ناوچەی سووریا دەنێرێت.