دوای کۆنترۆڵکردنی دیمەشق چارەنووسی ئەسەد نادیارە

ئاڤا نیوز

 

دوای ئەوەی هێزەکانی دەستەی تەحریرولشام گەیشتنە ناو دیمەشقی پایتەختی سووریا و دەستیان بەسەر شارەکەدا گرت، ئێستا چارەنووسی بەشار ئەسەد، سەرۆکی سووریا نادیارە.

 

وێنە گەورەکە: دوای 11 ڕۆژ لە دەستپێکردنی هێرشی گرووپە چەکدارەکانی تەحریرولشام دژی رژێمی بەشار ئەسەد و کۆنترۆڵکردنی دیمەشقی پایتەخت، ئۆپۆزیسیۆنی سووریا کۆتایهاتنی ڕژێمی ئەسەدی بە تەواوی ڕایگەیاند.

 

زانیاریی بەدەستهاتوو: بەپێی زانیارییە میدیاییەکان بەشار ئەسەد لە بەیانی ڕۆژی شەممە بە فڕۆکەیەک بەرەو شاری لازقیە هەڵاتووە, بەڵام تائێستا چارەنووسی نادیارە, هاوکات دوێنێ خێزان و منداڵەکانی بەرەو ڕووسیا هاڵاتوون.