زیاتر لە 26 هەزار پێشمەرگە لەڕێگەی هەژماری من هاوكاریی هاوپەیمانان وەردەگرن

ئاڤا نیوز

 

دوای ئەوەی هاوکاریی هاوپەیمانان خرایە سەر هەژماری یەکە ژمێریارییەکانی لیوا هاوبەشەکانی پێشمەرگە، ئەمڕۆ دەست بەدابەشکردنی ئەو هاوکارییە دەکرێت و  ئەو پێشمەرگانەی هەژماری من- ـیان هەیە، دەتوانن هاوکارییەکان لەڕێگەی هەژمارەکانیانەوە وەربگرن.

 
چیرۆکی سەرەکی: جگە لە پێدانی هاوکاریی لۆجیستی و سەربازیی، هاوپەیمانان مانگانە 13 ملیار و 500 ملیۆن دینار وەک هاوکاریی دارایی بۆ لیوا هاوبەشەکانی پێشمەرگە دابین دەکەن.

 

ڕاگەیێنراوی فەرمی: بەپێی ڕاگەیێنراوی تیمی هەژماری من، ئەمڕۆ یەکشەممە 12-8-2024 هاوكاریی هاوپەیمانان خراوەتە سەر هەژماری یەكە ژمێریارییەكان و 26 هەزار و 910 پێشمەرگە ئەو بڕە هاوكارییە لەڕێگەی هەژمارەکانییانەوە وەردەگرن.

 
ژمارەکان وادەڵێن: پێشمەرگەی لیوا هاوبەشەکان هاوکارییەکانی مانگی 10 بەم شێوەیە لە ڕێگەی هەژماری من وەردەگرن:
 
15 هەزار و 900 پێشمەرگە لە هەولێر.
5 هەزار و 880 پێشمەرگە لە سلێمانی.
5 هەزار و 130 پێشمەرگە لە دهۆک.

 
زانیاریی زیاتر: هاوکاریی هاوپەیمانان لە 30 لیوای هاوبەش نزیکەی 50 هەزار پێشمەرگە دەگرێتەوە.

 

ئەمەش بزانە: هاوکارییەکان لە ڕێگەی ئامێرەکانی ڕاکێشانی پارە لە سەرتاسەری ناوچەکان بەردەست دەبن، هاوکات 294 ئامێر لەناو 91 کابینە دانراون.