ئەمریکا سزا بەسەر خەزووری بەشار ئەسەد دەسەپێنێت

ئاڤا نیوز

دوای نەمانی دەسەڵاتی بەشار ئەسەد، ویلایەتە یەکگرتووەکانی ئەمریکا کۆمەڵە سزایەک بەسەر خەزووری بەشار ئەسەد دەسەپێنێت. 

 

وێنە گەورەکە: لە 8ی دیسێمبەر هێزەکانی تەحریرولشام و گرووپە چەکدارەکانی ئۆپۆزیسیۆنی سووریا چوونە ناو دیمەشق و کۆتاییان بە دەسەڵاتی بنەماڵەی ئەسەد هێنا، کە ماوەی پێنج دەیەیە لە وڵاتەکە حوکم دەکەن. بنەماڵەکە لە چەندین تاوان و گەندەڵی تێوەگلاون و سزای نێودەوڵەتییان بەسەردا سەپێنراوە. 

 

زانیاریی بەدەستهاتوو: وەزارەتی گەنجینەی ئەمریکا، کۆمەڵە سزایەکی بەسەر فەواز ئەخرەس، خەزووری بەشار ئەسەد سەپاند. هۆکارەکەشی "هاوکارییکردن و ئاسانکارییە بۆ بەشار ئەسەد، بەتایبەت لە بابەتە داراییەکان و ڕاکردن و خۆدزینەوە لە سزاکان''. 

 

ئەوەی لەو بارەیەوە دەگوترێت: لە ساڵی 2020 ژمارەیەک لە ئەندامانی بنەماڵەی ئەسەد خراونەتە لیستی سزاکانی ئەمریکاوە لەوانیش ئەسما ئەسەد خێزانی بەشار ئەسەد و سەحەری هاوسەری فەواز ئەخرەس و خەسووی بەشار ئەسەد.

 

باکگراوند: فەواز ئەخرەس، لە ساڵی 1946 لە حومس لەدایکبووە، پسپۆڕی نەخۆشییەکانی دڵە لە لەندەن. خاوەن ڕەگەزنامەی سووری و بەریتانییە، ئەویش بەپێی لیستی وەزارەتی گەنجینەی ئەمریکا سزای بەسەردا سەپێنراوە.