لە کوردستان سەرژمێریی بۆ مەڕ و ماڵات دەکرێت

ئاڤا نیوز

 

ماوەی دە ساڵە سەرژمێریی ئاژەڵان بەهۆی قەیرانی داراییەوە لە هەرێمی کوردستان نەکراوە، وەزارەتی کشتوکاڵ بە هاوکاری ڕێکخراوی یو ئێن دی پی دەیەوێت لە ساڵی 2025 ئەو سەرژمێرییە بکات.

 

وێنە گەورەکە: دوای ئەنجامدانی سەرژمێریی گشتیی دانیشتووان لە تەواوی عێراق، وەزارەتی کشتوکاڵ پلانی هەیە لە ساڵی ئایندە سەرژمێری بۆ مەڕ و ماڵات ئەنجام بدات و جۆرەکانیان دیاری بکات.

 

لێدوانی فەرمی: فیراز سدیق، بەڕێوەبەری سامانی ئاژەڵ لە وەزارەتی کشتوکاڵ بە ئاڤا نیوزی ڕاگەیاند: وەزارەتەکەمان دەیەوێت بە هاوکاری ڕێکخراوی یو ئێن دی ساڵی داهاتوو سەرژمێریی بۆ ئاژەڵان بکات.

 

زانیاریی زیاتر: بەڕێوەچوونی پڕۆسەکە بە دروستکردنی تیمی فراوان دەبێت و گوند بە گوند دەگەڕێن و بارکۆدی تایبەت بۆ ئاژەڵان دروست دەکرێت.