مووچەی مانگەکانی 7 و 8ـی مامۆستایانی گرێبەست دەدرێت

ئاڤا نیوز

 

بڕیارە لەم هەفتەیەدا مامۆستایانی گرێبەست لە سنووری پەروەردەکانی سلێمانی شایستەی دارایی مانگەکانی 7 و 8 وەرگرن، لە ڕۆژانی داهاتوو پەروەردەکانی سنووری هەولێر و دهۆکیش دەگرێتەوە.

 

وێنە گەورەکە: ڕۆژی 25-8-2024 سەرۆکوەزیران مەسرور بارزانی، بڕیاری بە گرێبەستکردنی مامۆستایانی وانەبێژی دەرکرد و زیاتر لە 38 هەزار مامۆستای وانەبێژ بوون بە گرێبەست کە لە سەردەمی وانەبێژیدا شایستەی دارایی مانگەکانی 7 و 8 یان وەرنەگرتووە و بڕیارە لە چەند ڕۆژی داهاتوو وەریگرن.

 

لێدوانی فەرمی: کارۆخ عەبدوڵڵا، نوێنەری مامۆستایانی گرێبەست بە ئاڤا نیوزی گوت، "لە بانکی نیشتمانی سلێمانی ئاگادارکراینەوە کە لەم هەفتەیەدا دەستدەکرێت بەدابەشکردنی شایستەی مانگەکانی 7 و 8 و  بەشێوەی مەقتوع دەبێت و بڕەکەی 400 هەزارە".

 

لەلایەکی دیکەوە: عومەر محەممەد، بەڕێوەبەری ژمێریاری لە بەڕێوەبەرایەتیی گشتیی پەروەردەی هەولێر بە ئاڤا نیوزی ڕاگەیاند، "هیچ ئاگادارکردنەوەیەکمان سەبارەت بە دابەشکردنی شایستەی دارایی مانگەکانی 7 و 8 ـی مامۆستایانی گرێبەست پێنەگەیشتووە".