ئەمڕۆ دەست بە دابەشکردنی مووچەی مامۆستایانی وانەبێژ دەکرێت

ئاڤا نیوز

 

بڕیارە لە سنووری پەروەردەی سلێمانیی وەک یەکەم سنووری پەروەردە لە هەرێمی کوردستان دەست بە دابەشکردنی مووچەی مامۆستایانی وانەبێژ بکرێت.

 

وێنە گەورەکە: ئەمڕۆ یەکشەممە دەست بە دابەشکردنی مووچەی مامۆستایانی وانەبێژ دەکرێت و بانکی نیشتمانی سلێمانی مامۆستایان ئاگادار دەکاتەوە، هاوکات دوای سلێمانی مووچەی مامۆستایانی وانەبێژ لە هەولێر و دهۆک دابەش دەکرێت.

 

لێدوانی فەرمی: کارۆخ عەبدوڵڵا، نوێنەری مامۆستایانی وانەبێژ بە ئاڤای ڕاگەیاند: بانکی نیشتمانیی لە سلێمانی ئاگاداری کردووینەتەوە بەوەی شایستە داراییەکانی مانگەکانی حەوت و هەشتمان وەربگرین کە بڕی 400 هەزار دینارە.

 

زانیاریی زیاتر: ئاڤا میدیا زانیوویەتی بۆ هەردوو مانگەکانی تەممووز و ئابی پشووی هاوین، مامۆستایانی وانەبێژ کە دوای بڕیارەکەی سەرۆکوەزیران مەسرور بارزانی ئێستا بوونەتە گرێبەست، بڕی 200 هەزار دیناریان هەبووە.

 

ئەوەی پێویستە بیزانیت: بە بڕیاری سەرۆکوەزیران، مانگی ئابی ئەمساڵ نزیكەی 40 هەزار مامۆستای وانەبێژ لە وەزارەتی پەروەردە کرانە گرێبەست.