بەهۆی بڕیارێکی ئەمریکا نرخی زێڕ و نەوت و بیتکۆین دابەزی

ئاڤا نیوز

بانکی ناوەندیی ئەمریکا ڕێژەی سووی بە 20 خاڵی بنەڕەتی دابەزاند، ئەمەش کاریگەریی ڕاستەوخۆی کردە سەر بازاڕە داراییەکان.

وێنە گەورەکە: ئەمشەو  بانکی ناوەندیی ئەمریکا بۆ دوایین جار لە ساڵی 2024 دا جارێکی دیکە ڕێژەی سووی بە 20 خاڵی بنەڕەتی واتە (0.2%) دابەزاند، بەمەش رێژەی سوو لە 4.25% بۆ 4.05% دابەزی.


کاریگەری و لێکەوتەکان: دابەزاندنی ڕێژەی سوو کاریگەری لەسەر نرخی زێڕ و بیتکۆین و نەوت و دۆلار و بازاڕی پشکەکان هەبوو، بەمشێوەیە:

- نرخی ئۆنسەیەك زێڕ 40 دۆلار دابەزی و نرخی ئۆنسەیەک زێڕ لە دوو هەزار و 640 دۆلار بۆ دوو هەزار و 600 دۆلار دابەزی.

- ئەمشەو نرخی بیتکۆین نزیکەی چوار هەزار دۆلار دابەزی و لەگەڵ دەرچوونی ئەم بڕیارە نرخی یەک بیتکۆین لە 104 هەزار و 790 دۆلار بۆ 100 هەزار و 830 دۆلار دابەزی.

 - نرخی بەرمیلێک نەوت لە 70 دۆلارەوە بۆ 69.67 دۆلار دابەزی.

- لەبەرامبەردا نرخی دۆلار لە بۆرسە 1.19% بەرزبووەوە گەیشتە یەک دۆلار و 8 سەنت.

- هاوکات بەشی زۆری پشکی کۆمپانیاکان بەهۆی دەرچوونی ئەم بڕیارەوە دابەزین.

لەلایەکی دیکەوە: زۆربی وڵاتانی کەنداو لەگەڵ بڕیارەکەی بانکی ناوەندیی ئەمریکا ڕێژەی سوویان کەمکردەوە.