لیرەی سووری بە قاچاخ دەهێنرێتە هەرێمی کوردستان

ئاڤا نیوز

 

لەگەڵ کەوتنی دەسەڵاتی بەشار ئەسەد لە سووریا، بەهای دراوی ئەو وڵاتەش گۆڕانکاریی بەسەرداهاتووە و بەردەوام لە بەرزبوونەوە و نزمبوونەوەی خێرا دایە.

 

وێنە گەورەکە: هەر لەگەڵ بڵاوبوونەوەی هەواڵی کەوتنی دەسەڵاتی بەشار ئەسەد، لیرەی سووری لە بازاڕەکانی هەرێمی کوردستان بەرزبوونەوەیەکی سەرسوڕهێنەری بەخۆیەوە بینی، بە جۆرێک بەهای یەک ملیۆن لیرەی سووری گەیشتە 500 هەزار دیناری عێراقی.

 

زانیاریی زیاتر: پێشتر د. مستەفا شارەزای ئابووری و پێشکەشکاری ئاڤا میدیا هاووڵاتییانی ئاگادار کردبووەوە لەوە کە ئەگەر هاووڵاتییان وریا نەبن زەرەری گەورە دەکەن، چونکە هەفتەی ڕابردوو بەهای یەک ملیۆن لیرەی سووری 500 هەزار دینار بوو، ئێستا بەهاکەی دابەزیوە بۆ 300 هەزار دینار. 

 

زانیاریی بەدەستهاتوو: سەرچاوەیەک بۆ ئاڤا باسی لەوە کردووە، بڕێکی زۆر لە لیرەی سووریا هاتووەتە بازاڕەکانی هەرێمی کوردستانەوە کە سەرچاوەی سەرەکی وڵاتی ئێرانە لە ڕێگەی پشدەر و بیتوێنەوە دەهێنرێتە سلێمانی لەوێشەوە ڕەوانەی هەولێر دەکرێت.