ئەمریکا 571 ملیۆن دۆلار هاوکاریی سەربازیی تایوان دەکات

ئاڤا نیوز

 

بەگوێرەی ڕاگەیێنراوێکی کۆشکی سپی، جۆ بایدن، سەرۆکی ئەمریکا، واژوی لە سەر پێدانی یارمەتیی بەرگریی سەربازیی بە تایوان بە بەهای 571 ملیۆن دۆلار کرد.

 

ئەوەی پێویستە بیزانیت: ئەمریکا لە ڕووی دیپلۆماسییەوە بە فەرمی تایوان وەک وڵاتێکی سەربەخۆ ناناسێت، بەڵام وەک دوورگەیەکی خۆبەڕێوەبەر کە هاوپەیمانی ستراتیژییەتی مامەڵەی لەگەڵدا دەکات.

زانیاریی زیاتر: ئەمریکا گەورەترین دابینکەری چەکە بۆ تایوان و ئەمەش مایەی نیگەرانیی چینە کە تایوان بە بەشێک لە خاکی خۆی دەزانێت.

 

لەلایەکی دیکە: ئەم بڕیارەی بایدن لە کاتێکدایە کە 20ـی کانوونی دووەم کۆشکی سپی بەجێدێڵێت و دۆناڵد ترەمپ، سەرۆکی هەڵبژێردراوی ئەمریکا، دەستبەکار دەبێت.