ئێران سفرەکانی سەر دراوەکەی لا دەبات

ئاڤا نیوز

 

بە ئامانجی کەمکردنەوەی هەڵئاوسانی ئابووری، حکومەتی ئێران دەیەوێت سفری سەر دراوەکانی کەمبکاتەوە.

 

چیرۆکی سەرەکی:حکومەتی ئێران پڕۆژە یاسایەکی دراوی و بانکیی ڕەوانەی پەرلەمانی وڵات کردووە تا بە هۆیەوە یەکەی دراوی وڵات لە ڕیاڵەوە بۆ تمەن بگۆڕێت و هەروەها چوار سفر لە سەر دراوەکە کەم بکاتەوە.

 

زانیاریی زیاتر: بە گوێرەی پڕۆژەکە یەکەی دراوی ئێران دەبێتە تمەن و هەر تمەنێک بەرامبەر دەبێت بە 10 هەزار ڕیاڵی ئێستا و سەد پارسەی نوێ.

 

ئەوەی پێویستە بیزانیت: حکومەتی ئێران دەیەوێت لە ڕێگەی ئەم پڕۆژەیەوە چاکسازی لە سیستەمی دراوی وڵات بکات، هەڵئاوسان کەم بکاتەوە و برەوی زیاتر بە پارەی وڵات بدات.

 

باکگراوند: پڕۆژەکە لەلایەن دەستەی وەزیرانی کابینەکەی حەسەن ڕۆحانی، سەرۆک کۆماری پێشووتری ئێرانەوە ئامادە کرابوو، ئێستاش لەلایەن مەسعود پزیشکیان، سەرۆک کۆماری ئێرانەوە ڕەوانەی پەرلەمان کراوە.