ئەلبانیا بۆ ماوەی ساڵێک تیکتۆک قەدەغە دەکات

ئاڤا نیوز 

سەرۆکوەزیرانی ئەلبانیا  بڕیاری دا لە سەرەتای ساڵی 2025 تیکتۆک لە وڵاتەکەیان ڕابگیرێت. 

وێنە گەورەکە: تۆڕی کۆمەڵایەتی تیکتۆک کە نزیکەی دوو ملیار بەکارهێنەری هەیە، لەسەر ئاستی جیهان زۆرترین مشتومڕی لەسەرە، چەند وڵاتێک قەدەغەیان کردووە وەکو کەنەدا، چەند وڵاتیش لە هەوڵدان قەدەغە و سنوورداری بکەن لەوانە ئەمریکا.

لێدوانی فەرمی: ئیدی ڕاما، سەرۆکوەزیرانی ئەلبانیا ڕایگەیاند: "حکومەتەکەمان کاردەکات بۆ ڕاگرتنی تیکتۆک بۆ ماوەی ساڵێک، لەو ماوەیەدا دەست دەکەین بەو پڕۆگرامانەی خزمەتی پەروەرەی منداڵەکانمان دەکەن و یارمەتی دایک و باوکان دەدەن لە قۆناغەکانی خوێندنی منداڵەکانیان".

لەلایەکی دیکەوە: هەوڵەکان بۆ سنووردارکردنی تیکتۆک بەردەوامن و ئەمریکا داوای لە کۆمپانیاکانی ئەپڵ و گووگڵ کردووە لە 2025/1/19 ئەپڵیکەیشنی تیکتۆک لە ئەپ ستۆری و گووگڵ پلەی بسڕنەوە، بەڵام دیارنییە داواکارییەکە پەسەند دەکەن یان نا.