ئەمریکا لە ڕێکخراوی تەندروستی جیهانی دەکشێتەوە

ئاڤا نیوز

 

ئیدارەی ترەمپ ڕایگەیاند، لەگەڵ دەستبەکاربوونی ترەمپ لە مانگی یەکی ساڵی داهاتوو وڵاتەکەیان لە ڕێکخراوی تەندروستی جیهانی دەکشێتەوە.

 

زانیاریی بەدەستهاتوو: ڕۆژنامەی فاینانشیاڵ تایمز لە چەند سەرچاوەیەکی ئیدارەی ترەمپ بڵاویکردەوە، لەگەڵ دەستبەکاربوونی سەرۆکی هەڵبژێردراوی ئەمریکا لە 20ـی مانگی یەکی ساڵی داهاتوو، واشنتن کشانەوەی خۆی لە ڕێکخراوی تەندروستی جیهانی ڕادەگەیێنێت.

 

ئەوەی پێویستە بیزانیت: لەگەڵ کشانەوەی ئەمریکا لەو ڕێکخراوە، بەشێکی زۆری داهاتە داراییەکانی لەدەست دەدات و ناتوانێت ڕووبەڕووی قەیرانە تەندروستییە جیهانییەکان ببێتەوە.

 

لەلایەکی دیکەوە: ڕۆژنامەی پۆلیتیکۆ، لە مانگی نۆڤێمبەر ڕایگەیاند: ڕێکخراوی تەندروستی جیهانی چارەکێک لە داهاتی دارایی خۆی لەدەست بدات ئەگەر ترەمپ بڕیار بدات وڵاتەکەی لە ڕێکخراوەکە بکشێتەوە.

 

باکگراوند: لە ساڵی 2020 ترەمپ ڕێکخراوی تەندروستی جیهانی تۆمەتبار کرد  کە زانیاری نا دروست لە بارەی ڕێژەیی بڵابوونەوەی ڤایرۆسی کۆرۆنا لە بەرژەوەندی چین بڵاودەکاتەوە.