ئەو كەسەی مانگێك پێش ئێستا لە هۆتێلێكی هەولێر تەقەی كرد دەستگیر كرا

ئاڤا نیوز

 

بەڕێوەبەرایەتیی پۆلیسی هەولێر ئاشكرای دەكات، ئەو كەسەی كە لە مانگی ڕابردوو لە هۆتێلێكی شاری هەولێر تەقەی كرد و دوو كەسی زامدار كرد، دەستگیر كرا.

 

چیرۆكی سەرەكی: لە ڕێکەوتی 19-11-2024، تۆمەتبارێکی خەڵکی دەرەوەی شاری هەولێر بە ناوی (ا. ش. س) لە یەکێک لە هۆتێلەکانی شاری هەولێر بە شێوەیەکی هەڕەمەکی تەقەی کرد و دوو پاسەوانی هۆتێلەكەی زامدار كرد و بەرەو دەرەوەی شاری هەولێر هەڵات.

ڕاگەیێنراوی فەرمی: پۆلیسی هەولێر ڕایگەیاند: ئەمڕۆ دووشەممە تۆمەتبار (ا. ش. س) 23-12-2024، پاش گوشاری هێزەكانمان خۆی ڕادەستی بەڕێوەبەرایەتیی پۆلیسی هەولێر كرد.

لەلایەكی دیكەوە: بەڕێوەبەرایەتیی پۆلیسی هەولێر دڵنیایی دەداتە دانیشتووانی هەولێر كە هەرکەسێک هەوڵی نانەوەی پشێوی و تێکدانی ئارامیی شار بدات، دەستگیر دەکرێت و ڕادەستی دادگا دەکرێت.