زیاتر لە 200 هەزار گەشتیاری بیانی پشووەکانیان لە هەرێمی کوردستان بەسەر دەبەن

ئاڤا نیوز 

 

دەستەی گشتیی گەشتوگوزاری هەرێمی کوردستان ئامادەسازی بۆ پێشوازیکردن لە دەیان هەزار گەشتیار دەکات، کە بۆ پشووەکانی سەری ساڵ سەردانی ناوچەکانی هەرێمی کوردستان دەکەن.

 

وێنە گەورەکە: گەشتوگوزار وەک بنەمایەکی گرنگی پتەوکردنی ژێرخانی ئابووری لە هەرێمی کوردستان کاری لەسەر دەکرێت، ساڵانە سەدان هەزار گەشتیاری بیانی بۆ بەسەربردنی پشووەکانی ساڵ سەردانی هەرێمی کوردستان دەکەن و ساڵ دوای ساڵ ئامارەکە بەرزتر دەبێتەوە.

 

لێدوانی فەرمی: ئیبراهیم عەبدولمەجید، وتەبێژی دەستەی گشتیی گەشتوگوزار بە ئاڤای گوت، "ئامادەسازییەکانمان لە سەرجەم پارێزگا و ئیدارە سەربەخۆکانی هەرێمی کوردستان چڕکردووەتەوە و پێشبینی دەکەین زیاتر لە 200 هەزار گەشتیار پشووەکانی سەری ساڵیان لە هەرێمی کوردستان بەسەر ببەن."

 

ئەمەش بزانە: بەشێکی زۆری ئەو گەشتیارانە بۆ بەسەربردنی پشووەکانیان سەردانی هەرێمی کوردستان دەکەن، لە ناوچەکانی ناوەڕاست و خوارووی عێراق دێن، ساڵانەش هاتنی گەشتیاری نێودەوڵەتی ڕوو لە هەڵکشانە.